Shmuel Bet (Demo)

A continuation of the list of Dovid's strongmen.

_____________________

(יח) וַאֲבִישַׁי אֲחִי ׀ יוֹאָב בֶּן־צְרוּיָה הוּא רֹאשׁ הַשְּׁלשָׁה [הַשְּׁלשָׁי] וְהוּא עוֹרֵר אֶת־חֲנִיתוֹ עַל־שְׁלשׁ מֵאוֹת חָלָל וְלוֹ־שֵׁם בַּשְּׁלשָׁה:

(יט) מִן־הַשְּׁלשָׁה הֲכִי נִכְבָּד וַיְהִי לָהֶם לְשָׂר וְעַד־הַשְּׁלשָׁה לֹא־בָא:

(כ) וּבְנָיָהוּ בֶן־יְהוֹיָדָע בֶּן־אִישׁ־חַיִ [חַיִל] רַב־פְּעָלִים מִקַּבְצְאֵל הוּא הִכָּה אֵת שְׁנֵי אֲרִאֵל מוֹאָב וְהוּא יָרַד וְהִכָּה אֶת־הָאֲרִי [הָאֲרִיה] בְּתוֹךְ הַבֹּאר בְּיוֹם הַשָּׁלֶג:

(כא) וְהוּא הִכָּה אֶת־אִישׁ מִצְרִי אִישׁ [אִשׁר] מַרְאֶה וּבְיַד הַמִּצְרִי חֲנִית וַיֵּרֶד אֵלָיו בַּשָּׁבֶט וַיִּגְזֹל אֶת־הַחֲנִית מִיַּד הַמִּצְרִי וַיַּהַרְגֵהוּ בַּחֲנִיתוֹ:

(כב) אֵלֶּה עָשָׂה בְּנָיָהוּ בֶּן־יְהוֹיָדָע וְלוֹ־שֵׁם בִּשְׁלשָׁה הַגִּבֹּרִים:

(כג) מִן־הַשְּׁלשִׁים נִכְבָּד וְאֶל־הַשְּׁלשָׁה לֹא־בָא וַיְשִׂמֵהוּ דָוִד אֶל־מִשְׁמַעְתּוֹ:

(כד) עֲשָׂהאֵל אֲחִי־יוֹאָב בַּשְּׁלשִׁים אֶלְחָנָן בֶּן־דֹּדוֹ בֵּית לָחֶם:

(כה) שַׁמָּה הַחֲרֹדִי אֱלִיקָא הַחֲרֹדִי:

(כו) חֶלֶץ הַפַּלְטִי עִירָא בֶן־עִקֵּשׁ הַתְּקוֹעִי:

(כז) אֲבִיעֶזֶר הָעַנְּתֹתִי מְבֻנַּי הַחֻשָׁתִי:

(כח) צַלְמוֹן הָאֲחֹחִי מַהְרַי הַנְּטֹפָתִי:

(כט) חֵלֶב בֶּן־בַּעֲנָה הַנְּטֹפָתִי אִתַּי בֶּן־רִיבַי מִגִּבְעַת בְּנֵי בִנְיָמִן:

(ל) בְּנָיָהוּ פִּרְעָתֹנִי הִדַּי מִנַּחֲלֵי גָעַשׁ:

(לא) אֲבִי־עַלְבוֹן הָעַרְבָתִי עַזְמָוֶת הַבַּרְחֻמִי:

(לב) אֶלְיַחְבָּא הַשַּׁעַלְבֹנִי בְּנֵי יָשֵׁן יְהוֹנָתָן:

(לג) שַׁמָּה הַהֲרָרִי אֲחִיאָם בֶּן־שָׁרָר הָארָרִי:

(לד) אֱלִיפֶלֶט בֶּן־אֲחַסְבַּי בֶּן־הַמַּעֲכָתִי אֱלִיעָם בֶּן־אֲחִיתֹפֶל הַגִּלֹנִי:

(לה) חֶצְרַי [חֶצְרַו] הַכַּרְמְלִי פַּעֲרַי הָאַרְבִּי:

(לו) יִגְאָל בֶּן־נָתָן מִצֹּבָה בָּנִי הַגָּדִי:

(לז) צֶלֶק הָעַמֹּנִי נַחְרַי הַבְּאֵרֹתִי נֹשֵׂא [נֹשֵׂאי] כְּלֵי יוֹאָב בֶּן־צְרֻיָה:

(לח) עִירָא הַיִּתְרִי גָּרֵב הַיִּתְרִי:

(לט) אוּרִיָּה הַחִתִּי כֹּל שְׁלשִׁים וְשִׁבְעָה: